बीड गोळीबार प्रकरण: पुण्यात मध्यरात्री सिनेस्टाईल पाठलाग, तिघांना ठोकल्या बेड्या

सुरेश जाधव, प्रतिनिधी बीड : मागील काही दिवसांपासून बीड जिल्ह्यात हत्या, गोळीबार आणि अपहरणाच्या विविध घटना उघडकीस येत आहेत. मस्साजोगचे सरपंच संतोष देशमुख यांच्या हत्या प्रकरणावरून महाराष्ट्रातलं राजकीय वातावरण तापलं आहे. अशात बीडमध्ये मागच्या आठवड्यात एक गोळीबाराची देखील घटना घडली होती. बीड शहरातील इमामपूर भागात विश्वास डोंगरे नावाच्या व्यक्तीच्या घरात घुसून काहींनी बेछूट गोळीबार केला होता. या हल्ल्यानंतर आरोपी घटनास्थळावरून फरार झाले होते.