झोपेत होता पती, पत्नीला आला राग, उकळत्या पाण्यात मिसळली मिरची पूड अन् केला मोठा कांड!

नवीन वर्षाच्या पहिल्याच दिवशी, म्हणजेच 01.01.2025 रोजी, दिल्लीच्या नांगलोई भागात राहणारी ज्योती, जी किट्टू नावानेही ओळखली जाते, आपल्या पतीसोबत घरात होती. आरोप आहे की, ज्योतीने पतीच्या चेहऱ्यावर, तोंडावर आणि छातीवर उकळत्या पाण्यात लाल मिरची पूड मिसळून टाकली. इतकंच नाही, तर ज्योतीने तिच्या पतीला कथितरित्या म्हटलं, 'मला तुला मारायचं आहे.' हे ऐकून पतीला धक्काच बसला.

19 नोव्हेंबर 2024 रोजी ज्योतीने तिच्या पतीविरुद्ध पोलिसांत तक्रारही दाखल केली होती. वकिलाने हेही सांगितलं की, ज्योतीचं आयुष्य सोपं नव्हतं. तिचं पहिलं लग्न मोडलं होतं आणि तिला एक मुलगीही आहे. दुसरीकडे, पतीच्या वकिलाने जामीनाला विरोध करत सांगितलं की, ज्योतीने तिच्या पहिल्या लग्नाची आणि मुलीची माहिती पतीपासून लपवली होती, जो त्यांच्या नात्यातील एक मोठा विश्वासघात होता. पतीच्या वकिलाने कोर्टात सांगितलं की, ज्योतीचं वागणं धोकादायक आहे आणि तिला जामीन दिल्यास पीडित आणि साक्षीदारांना धोका निर्माण होऊ शकतो.