पंजाब विद्यापीठात सिंगरचा Live शो झाला रक्तरंजित; चाकू हल्ल्यात 22 वर्षाचा तरुण ठार, अन्य दोघे गंभीर

पंजाब युनिव्हर्सिटीच्या यूआयटी दुसऱ्या वर्षात शिकणारा आदित्य ठाकूर हा त्याच्या मित्रांसोबत कार्यक्रम पाहण्यासाठी आला होता. शोदरम्यानच त्यांचा दुसऱ्या गटाशी किरकोळ वाद झाला आणि झटापट झाली. आदित्य आणि त्याचे मित्र कार्यक्रमाच्या ठिकाणाहून निघून गेले. पण दुसऱ्या गटाने काही साथीदारांना बोलावून त्यांच्यावर पुन्हा हल्ला केला.

या घटनेनंतर पोलिसांनी गुन्हा दाखल केला आहे. मात्र आरोपींची ओळख पटलेली नाही. विद्यापीठ प्रशासन आणि पोलीस या प्रकरणाचा तपास करत असून आरोपींच्या शोधासाठी सीसीटीव्ही फुटेज तपासली जात आहेत.

या घटनेनंतर विद्यापीठ परिसरात तणाव निर्माण झाला असून, विद्यार्थ्यांमध्ये भीतीचे वातावरण आहे. विद्यार्थी संघटनांनी सुरक्षिततेच्या उपाययोजनांबाबत प्रशासनावर प्रश्न उपस्थित केले आहेत.