'5 लोकांच्या त्रासाला कंटाळलोय!' व्हिडीओ अन् लोकेशन पाठवून तरुणाने केली आत्महत्या, 2 महिन्यांपूर्वीच झालं होतं लग्न!

सविस्तर माहिती अशी की, अमरने आत्महत्या करण्यापूर्वी एक व्हिडीओ बनवला होता. त्यात त्याने म्हटले होते, "मी पाच लोकांच्या त्रासाला कंटाळून आत्महत्या करत आहे." हा व्हिडीओ त्याने आपल्या आत्याच्या मुलाच्या मोबाईलवर पाठवला आणि सोबत आत्महत्येचे ठिकाण (लोकेशन) देखील पाठवले. या व्हिडीओमध्ये त्याने आपल्या कुटुंबीयांना विनंती केली होती की, "खंबीरपणे माझ्या पाठीमागे उभे राहा. माझ्या मोबाईलमध्ये यासंबंधीचे फोटो आणि रेकॉर्डिंग आहे." या व्हिडीओसोबत त्याने आपल्या मोबाईलचा पासवर्डही सांगितला होता.

अमरने व्हिडीओ पाठवल्यानंतर त्याचे वडील, चुलते, चुलतभाऊ आणि नातेवाईक यांनी रात्रभर त्याचा शोध घेतला. मात्र, रात्री त्याचा मृतदेह सापडला नाही. रविवारी सकाळी पुन्हा शोधाशोध सुरू केली असता, अमरचा मृतदेह कडुलिंबाच्या झाडाला लटकलेल्या अवस्थेत आढळला. या घटनेची माहिती पोलीस पाटील योगिता पवार यांनी तात्काळ तालुका पोलिसांना कळवली.