crime news : 'बाळाचा बाप कोण?' 15 वर्षांच्या मातेला विचारलं तिने जे सांगितलं, डॉक्टरांच्या डोळ्यात आलं पाणी

सीधी : मध्य प्रदेशातल्या सीधी जिल्ह्यात एका घटनेमुळे खळबळ उडाली आहे. तिथल्या 15 वर्षांच्या एका अल्पवयीन मुलीने एका बाळाला जन्म दिला आहे. त्या मुलीवर आधी कोणी तरी बलात्कार केला. नंतर त्या व्यक्तीने तिच्याशी लग्न करण्यासही नकार दिला. तिला हॉस्पिटलमध्ये नेण्यात आलं, तेव्हा तिथे त्या नवजात बाळाच्या वडिलांचं नाव विचारण्यात आलं. पीडित मुलीने आपल्या बाळाच्या वडिलांचं नाव सांगितलं नाही, तेव्हा तिथे गोंधळ उडाला. हॉस्पिटल प्रशासनाने तातडीने या प्रकाराची माहिती पोलिसांना दिली. पोलिसांनी हॉस्पिटलमध्ये येऊन सर्वांचे जबाब नोंदवले. त्या पीडित मुलीशी संवाद साधल्यानंतर तिने अखेर आरोपीचं नाव हॉस्पिटलला सांगितलं. त्यानंतर पोलिसांनी या प्रकरणी आरोपीविरोधात केस दाखल केली आहे. पोलीस त्याचा शोध घेत आहेत.