Bigg Boss Marathi 6 च्या घरातील त्या चोरीचा पर्दाफाश! 'तो' चोर भाऊच्या धक्क्यावर समोर आला, रितेश देशमुखने चोरीची क्लिपच दाखवली

बिग बॉसच्या घरात चोरीचं प्रकरण काही नवं नाही. याआधीही चोरी झाल्यात आहेत. त्यावेळी चोर कोण ते समजलं. किंबहुना चोरी करणाऱ्या सदस्यांनी स्वतःच त्याची कबुली दिली. आता मात्र चौथ्या आठवड्यात झालेल्या चोरीची जबाबदारी कोणीच घेतली नाही. रेशन चोरीला गेलं होतं आणि ते सामान विशाल आणि रोशनला तन्वीच्या बेडजवळ सापडल्याचं दाखवण्यात आलं. त्यामुळे सगळे तन्वीवर चोरीचा आरोप लावतात.

तन्वी ओरडून ओरडून सांगते ही आपण चोरी केली नाही. आपण राकेशच्या हातात फक्त पिठाचं कंटेनर दिलं होतं, ज आपलं सामान म्हणून आपल्या बेडमध्ये ठेवण्यासाठी दिलं होतं असं सांगते. तरी पण कुणीच तिच्यावर विश्वास ठेवत नाही. घरातील सगळे सदस्य तन्वीवर तुटून पडतात. तन्वीला हे सगळं सहन होत होत नाही. ती रडू लागते, वैतागते आणि आपल्याला हा शो करायचा नसल्याचं ती सांगते. कॅमेऱ्यासमोर येत ती आपल्याला चोर म्हटलं गेलं आहे, हे आपल्याला सहन होणार नाही. असं सांगताना दिसते.

यानंतर चोरीची चर्चा घरात होत असते, पण खरा चोर कोण हे मात्र अद्याप समोर आलं नाही. आता भाऊच्या धक्क्यावर याचा खुलासा होणार आहे.  भाऊच्या धक्क्याचा नवा प्रोमो समोर आला आहे. ज्यात रितेश या आठवड्यात झालेल्या चोरीबाबत बोलतो.

रितेश तन्वीला सांगतो, तन्वी एखादा रबर इतका ताणू नका की स्वत:लाच लागेल गेल्या आठवड्यात एक मोठा शब्द समोर आला चोरी केली गेली तन्वी तुम्ही विषय वाढवला की मला चोर म्हटलं जातंय इथं चोरीची मी क्लिप प्ले करणार.

हे ऐकताच घरातील सगळ्या सदस्यांच्या चेहऱ्याचा रंग उडतो. अनुश्री तोंडावर हात ठेवते, तन्वी डोळे बंद करते तर कुणीतरी ओ शीट असं म्हणतं. आता नेमका चोर कोण? हे येणाऱ्या एपिसोडमध्ये समजेल.