Coldplay फेम Chris Martin पोहचला महाकुंभात, गंगेत करणार पवित्र स्नान, VIDEO

दरम्यान आतापर्यंत अनेक सेलिब्रिटींनी महाकुंभात सहभागी होऊन गंगेत पवित्र स्नान केले आहे. अशातच सध्या सर्वाधिक चर्चेत असलेल्या आंतरराष्ट्रीय स्टार ख्रिस मार्टिन याने प्रयागराज येथील महाकुंभाला हजेरी लावली आहे. प्रसिद्ध म्युझिक ऑफ द स्फेअर्स वर्ल्ड टूर करत असलेल्या कोल्डप्ले बँडचे सध्या भारतात कॉन्सर्ट्स सुरू आहेत. काही दिवसांपूर्वी डीवाय पाटील स्टेडियमवर कोल्डप्ले कॉन्सर्ट पार पडला होता. यावेळी गायक ख्रिस मार्टिन याने कॉन्सर्टला आलेल्या चाहत्यांशी मराठी आणि हिंदी भाषेत संवाद साधून त्यांचं मन जिंकलं. आता ख्रिस मार्टिन त्याच्या गर्लफ्रेंडसह थेट प्रयागराजला पोहोचला आहे. यासंबंधीचा व्हिडीओ एएनआयने शेअर केला आहे.