Dev Anand Bungalow : देव आनंदच्या आलिशान बंगल्याजागी बनणार 22मजली इमारत; कोटींना विकली जुहूतील जागा

मुंबई, 2 सप्टेंबर : बॉलिवूडच्या मोठ्या कलाकारांना पाहण्यासाठी चाहत्यांची जितकी गर्दी होते तितकीच गर्दी त्यांची बंगले पाहण्यासाठी होते. मुंबईतील बॅंड्रा आणि जुहू या भागांमध्ये मोठ्या प्रमाणात बॉलिवूड कलाकारांची घरं आहेत. प्रत्येकाच्या बंगल्याची एक वेगळी खासियत आहे. प्रत्येकाच्या घराचं एक वेगळं आकर्षक नाव आहे. दिवंगत अभिनेते देव आनंद यांचं मुंबईच्या जुहू येथील बंगला अनेक दिवसांपासून चर्चेत होता. अभिनेत्याचा हाच बंगला आता विकण्यात आलाय. देव आनंद यांची पत्नी कल्पना कार्तिक, मुलगा सुनील आनंद आणि मुलगी देविना आनंद अनेक वर्ष या बंगल्यात पाहत होते. देवा आनंद यांनी त्यांच्या आयुष्यातील फार महत्त्वाचे क्षण या बंगल्यात घालवले आहेत. देव आनंद यांच्या या बंगल्याच्या ठिकाणी आता 22 मजली टॉवर उभा राहणार आहे अशी माहिती समोर आली आहे.