Antilia मधील बाप्पाच्या दर्शनाला पोहोचला किंग खान, कुटुंबासोबत पहिल्यांदा आला मीडियासमोर

मंगळवारी संध्याकाळी अंबानी कुटुंबाने गणेश चतुर्थीनिमित्त भव्य पूजेचे आयोजन केले होते. शाहरुख खान त्याच्या कुटुंबासह, पत्नी गौरी खान, मुलगी सुहाना खान, मुलगा अबराम आणि सासूसह पूजेला पोहोचला.

अनेक दिवसांपासून मीडिापासून लांब राहिलेला शाहरुख अनेक दिवसांनी मीडियासमोर येऊन आपल्या कुटुंबासोबत फोटो काढताना दिसला.

या विशेष पूजेसाठी, शाहरुख खान तपकिरी कुर्ता आणि काळा पायजामा घालून पठाणी लूकमध्ये दिसला. दरम्यान, गौरीने सोनेरी रंगाची चुडीदार घातला होता, ज्यामुध्ये ती खूपच सुंदर दिसत होती.

सुहानाने चमकदार सलवार-सूट घातला होता ज्यामध्ये ती सर्वांच्याच हृदयाचा ठोका चुकवत होती. तर अबराम निळा कुर्ता आणि पांढरा पायजमा मध्ये स्मार्ट दिसत होता.

शाहरुख खानचा मोठा मुलगा आर्यन खान पूजेच्या वेळी हजर नव्हता.

अंबानी कुटुंब दरवर्षी गणेश चतुर्थीला आपल्या घरी Antilia वर पूजा आयोजित करतात. यावेळी अनेक सेलिब्रिटी आपल्या कुटुंबासोबत हजेरी लावतात.