काचेचे पॅनल, फिरता मार्बलचा जिना; पाकिस्तानात नाही, तर भारतातील 'या' गावात आहे हमजा-यालीनाचा आलिशान बंगला

फिल्म रिलीज झाल्यानंतर या कंपनीने याबाबत आनंद व्यक्त केला आहे. आर्किटेक्ट्सनी आनंद व्यक्त करताना लिहिलं की, "आदित्य धर यांच्या चित्रपटात आमचा 'आनंदा' प्रोजेक्ट पाहून खूप आनंद झाला. रणवीर सिंग आणि सारा अर्जुन यांच्या उपस्थितीने या घराला अधिकच जिवंतपणा आला आहे."

इतकंच नाही, तर घराच्या मध्यभागी असलेला काळ्या रंगाचा फिरता मार्बलचा जिना हे या वास्तूचं मुख्य आकर्षण आहे. हलक्या रंगाच्या भिंती आणि जमिनीच्या पार्श्वभूमीवर हा गडद रंगाचा जिना घराचं सौंदर्य आणखीनच खुलवतं. 'लेस इज मोर' हा नियम इथे तंतोतंत पाळला गेला आहे. घर आलिशान असूनही तिथे फर्निचरचा पसारा नाही. मखमली सोफे, साध्या पण मोहक पेंटिंग्स आणि सिलिंगला लटकणारा क्रिस्टलचा झुंबर यामुळे घराला मॉडर्न टच मिळतो. घराच्या आत लावलेली झाडं आणि काचेच्या भिंतींमधून दिसणारी बाहेरची हिरवळ यामुळे घराच्या आत बसूनही निसर्गाच्या कुशीत असल्याचा फील मिळतो.