Shramesh Betkar : आयुष्यातला पहिला सिनेमा अन् 'महाराष्ट्राची हास्यजत्रा'फेम श्रमेश बेटकरचा डबल धमाका PHOTO

Maharashtrachi Hasyajatra Shramesh Betkar Movie : 'महाराष्ट्राची हास्यजत्रा' या कार्यक्रमाच्या माध्यमातून अनेक विनोदवीर घराघरांत पोहोचले आहेत. आपल्या विनोदी शैलीने त्यांनी प्रेक्षकांची मने जिंकून घेतली आहेत. 'महाराष्ट्राची हास्यजत्रा' या कार्यक्रमाने खऱ्या अर्थाने या विनोदवीरांना चांगला ब्रेक देण्याचं काम केलं आहे. कोणी विनोदवीर कधी मालिकांमध्ये झळकत आहेत..तर कोणी सिनेसृष्टी गाजवताना दिसत आहेत. अशाचप्रकारे महाराष्ट्राची हास्यजत्रा' फेम श्रमेश बेटकरला आयुष्यातला पहिला चित्रपट मिळाला आहे. 'लास्ट स्टॉप खांदा' या चित्रपटाच्या माध्यमातून सिनेसृष्टीत पदार्पण करण्यासाठी तो सज्ज आहे. या चित्रपटाच्या माध्यमातून अभिनेता श्रमेश बेटकर, जुईली टेमकर ही नवी जोडी प्रेक्षकांसमोर येणार आहे. नुकतेच या चित्रपटाचे पोस्टर सोशल मीडियावर लाँच करण्यात आले असून येत्या 21 नोव्हेंबरला हा चित्रपट सर्वत्र प्रदर्शित होणार आहे.