Parag Tyagi: तिच्या ब्रशने दात घासतो, शेफालीच्या न धुतलेल्या कपड्यांसोबत झोपतो; पराग त्यागीचा खुलासा
- Published by:Sayali Zarad
Last Updated:
Parag Tyagi: अभिनेत्री शेफाली जरीवाला 27 जून 2025 रोजी आपल्या चाहत्यांना निराश करत अचानक आपल्याला सोडून गेली.
मुंबई : अभिनेत्री शेफाली जरीवाला 27 जून 2025 रोजी आपल्या चाहत्यांना निराश करत अचानक आपल्याला सोडून गेली. तिच्या निधनानंतर, पती पराग त्यागीने एक पॉडकास्ट चॅनेल सुरू केले आहे, ज्यामध्ये त्याने शेफालीसोबतचे अनुभव आणि शेवटचे क्षण प्रेक्षकांसमोर उलगडले आहेत. त्याची एक क्लिप व्हायरल होतेय ज्यामध्ये त्यांनी शेफालीच्या ब्रशने तो आता दात घासतो असं सांगितलं. याशिवाय अनेक गोष्टींविषयी त्याने खुलासा केला.
नुकत्याच एका पॉडकास्टमध्ये परागने सांगितले की, शेफालीच्या निधनानंतरही त्यांच्या घरात तिची उपस्थिती अनुभवायला मिळत होती. "ती गेल्यानंतरही दोन-तीन दिवस तिची ऑनलाइन खरेदीची पार्सल येत होती. मी ती पार्सल उघडत होतो कारण त्या प्रत्येक वस्तूत तिचा अत्तर आणि आठवण होती," असं पराग म्हणाला.
advertisement
परागने पुढे सांगितले की, तो तिच्या ब्रशने दात घासतो. त्याने अजूनही शेफालीचे काही कपडे जपून ठेवलेत. "मी तिचा टी-शर्ट आणि शॉर्ट्स न धुतलेले ठेवलेत. त्यांचा सुगंध मला तिच्याजवळ असल्याची आठवण करून देतो. मी तिच्या ब्लँकेटवर झोपतो आणि टी-शर्ट माझ्या हाताला गुंडाळून झोपतो," असं त्याने सांगितलं.
परागने शेफालीच्या शेवटच्या क्षणांची स्मृतीही शेअर केली. त्याच्या म्हणण्यानुसार, शेफालीने शेवटच्या वेळी त्याला सांगितले होते की सिम्बा (त्यांचा कुत्रा) घेऊन बाहेर जा. पराग परतला तेव्हा त्याला कळाले की शेफाली बेशुद्ध झाली आहे. त्याने तिला इलेक्ट्रोलाइट पाणी आणि CPR देण्याचा प्रयत्न केला, पण ती गेली होती.
advertisement
https://youtube.com/shorts/FVB335xC9EU?si=hPYDa57QQFocJBwo
शेफालीच्या निधनाबाबत पसरलेल्या अँटी-एजिंग औषधांबाबतच्या अफवांवर परागने स्पष्ट केले की, शेफालीने कधीही हानिकारक औषधे घेतली नव्हती. ती नियमितपणे मल्टीविटामिन घेत होती आणि महिन्यातून एकदा आयव्ही ड्रिपद्वारे जीवनसत्त्वांची पूर्तता करत होती.
Location :
Mumbai,Maharashtra
First Published :
September 24, 2025 6:00 PM IST
मराठी बातम्या/मनोरंजन/
Parag Tyagi: तिच्या ब्रशने दात घासतो, शेफालीच्या न धुतलेल्या कपड्यांसोबत झोपतो; पराग त्यागीचा खुलासा
