Spirit Movie: दीपिका पादुकोणनंतर 'स्पिरिट'मधून आणखी एका अभिनेत्याची चित्रपटातून एक्झिट, दिग्दर्शकांसोबत मतभेद; नेमकं कारण काय?

ओटीटी प्लेने दिलेल्या वृत्तानुसार आणि सुत्रांनी दिलेल्या माहितीनुसार, चित्रपटातल्या एका सीनवरून प्रकाश राज आणि संदीप रेड्डी वांगा यांच्यामध्ये कडाक्याचे भांडण झाले. चित्रपटाच्या सेटवरंच एका सीनच्या स्क्रिप्टवरून दोघांमध्ये वाद झाला होता. शुटिंगच्या वेळी प्रॉडक्शन टीमबरोबर सुद्धा वाद झाला होता. सेटवरील अडचणी आणि कामाच्या शैलीतील फरकांमुळे हा वाद उद्भवल्याचा अंदाज आहे. शिवाय, प्रकाश राज आणि संदीप रेड्डी वांगा यांच्यातील मतभेदांनंतर अद्याप कोणाकडून अधिकृत माहिती समोर आलेली नाही. स्पिरिट चित्रपट टी-सीरीज आणि भद्रकाली पिक्चर्स यांच्या बॅनर खाली तयार केला जात आहे. चित्रपटामध्ये दीपिका पादुकोणची जागा तृप्ती डिमरीने घेतली आहे. विवेक ओबेरॉय आणि कंचना हे सुद्धा मुख्य भूमिकेत दिसणार आहेत.

आता, प्रकाश राज चित्रपटात परतणार की नाही हे पाहणे महत्त्वाचं ठरणार आहे. खरंतर, यापूर्वी प्रकाश राज यांचं चित्रपटाच्या टीमसोबत किंवा निर्मात्यांसोबत काही कारणांमुळे मतभेद झाल्याचे म्हटले जाते. आता यावेळी सुद्धा प्रकाश राज यांचं स्पिरिटच्या निर्मात्यांसोबत आणि चित्रपटाच्या टीमसोबत चित्रपटातील काही क्रिएटिव्ह गोष्टींमुळेच वाद झाल्याचे स्पष्ट झाले आहे. आणखी इतर कोणत्या कारणामुळे वाद झालाय का? याची अद्याप अधिकृत माहिती आलेली नाही. संदीप रेड्डी वांगा चित्रपटाचं सध्या हैद्राबादमध्ये शुटिंग सुरू आहे. या बहुचर्चित चित्रपटात नेमके कोणकोणते कलाकार दिसणार ? यासाठी चाहते उत्सुक आहेत.