'आज तोच दिवस आहे...' रितेश देशमुखच्या 'राजा शिवाजी'चा अंगावर शहारे आणणारा फर्स्ट लूक आऊट; 'या' शुभदिनी होणार रिलीज

मुंबई : आज अवघा महाराष्ट्र शिवजयंतीच्या उत्सवात न्हाऊन निघाला आहे. 'छत्रपती शिवाजी महाराज की जय'च्या जयघोषाने आसमंत दुमदुमत असतानाच, अभिनेता आणि दिग्दर्शक रितेश देशमुख याने शिवभक्तांना एक अभूतपूर्व भेट दिली आहे. अनेक वर्षांपासून ज्याची प्रतीक्षा होती, त्या ऐतिहासिक चित्रपट 'राजा शिवाजी' (Raja Shivaji) चा पहिला अधिकृत पोस्टर आज प्रदर्शित करण्यात आला आहे. रितेशने केवळ पोस्टरच नाही, तर या चित्रपटाची भव्य स्टारकास्ट आणि प्रदर्शनाची तारीख जाहीर करून सिनेसृष्टीत धमाका उडवून दिला आहे.