फक्त 2 जण वाचले, Ahmedabad Airport वरील 37 वर्षांपूर्वीच्या भयावह आठवणी; पायलटची एक ‘घातक चूक’, 133 जणांचे आयुष्य संपले
- Published by:Prachi Amale
Last Updated:
अहमदाबात विमानतळावर 37 वर्षापूर्वी झालेल्या भीषण अपघात झाला होता. या अपघातात 133 जणांचा मृत्यू झाला होता.
जयकृष्णा नायर, प्रतिनिधी
अहमदाबाद: अहमदाबाद विमानतळावर गुरुवारी दुपारी एक मोठा अपघात झाला. एअर इंडियाचे एक विमान टेकऑफनंतर काही मिनिटात अपघातग्रस्त झाले. प्राथमिक माहितीनुसार विमानाच्या इंजिनमध्ये तांत्रिक बिघाड झाल्यामुळे हा अपघात घडला. यावेळी विमानात एकूण 242 प्रवासी होते. हे विमान अहमदाबाद विमानतळावरून लंडनकडे निघाले होते. या अपघातानंतर सर्वांना आठवण झाली ती याच विमानतळावर 37 वर्षापूर्वी झालेल्या भीषण अपघाताची होय. 1988 साली झालेल्या या अपघातात 135 पैकी 133 जणांचा मृत्यू झाला होता.
advertisement
इंडियन एअरलाइन्स फ्लाइट 113 हे मुंबईहून अहमदाबादला जाणारे विमान होते. 19 ऑक्टोबर 1988 रोजी अहमदाबाद विमानतळावर पोहोचताना अपघातग्रस्त झाले होते. हा अपघात इंडियन एअरलाइन्सच्या इतिहासातील सर्वात भीषण अपघात होता आणि भारताच्या इतिहासातील हा चौथा सर्वात प्राणघातक विमान अपघात ठरला होता.
अपघातग्रस्त झालेले हे विमान बोईंग 737-200 होते. ते डिसेंबर 1970 मध्ये इंडियन एअरलाइन्सला नवीन देण्यात आले होते. या विमानाने ४२,८३१ तास आणि 47,647 लँडिंग केले होते. विमानातील फ्लाइट क्रूमध्ये कॅप्टन ओ.एम. डल्लाया आणि फर्स्ट ऑफिसर दीपक नागपाल यांचा समावेश होता.
advertisement
हे विमान भारतीय वेळेनुसार सकाळी 5.45 वाजता निघणार होते परंतु एका प्रवाशाच्या उपस्थितीमुळे 20 मिनिटे उशिरा झाले. विमान 6.05 वाजता मुंबईहून निघाले आणि 6.20 वाजता क्रूने अहमदाबाद अ‍ॅप्रोच कंट्रोलशी संपर्क साधला. क्रूला हवामानाचा अंदाज देण्यात आला, कारण दृश्यमानता 6 ते 3 किलोमीटर कमी झाली होती.
विमान आणि प्रवासाची माहिती:
विमान: बोईंग 737-200
advertisement
नोंदणी क्रमांक: VT-EAH
निर्मिती व सेवेत आगमन: डिसेंबर 1970
एकूण फ्लाइट तास: 42,831 तास
एकूण लँडिंग: 47,647
फ्लाइट क्रू:
कॅप्टन ओ. एम. दल्लाया
फर्स्ट ऑफिसर दीपक नागपाल
4केबिन क्रू सदस्य
प्रवासी संख्या: 129 (124 प्रौढ, 5 मुले)
हवामान आणि दृश्यता:
6:25 वाजता हवामान: दृश्यता 6 किमीवरून कमी होऊन 3 किमी झाली होती.
advertisement
6:32 वाजता: विमानाला 15,000 फूट उंचीवर उतरायला परवानगी मिळाली.
QNH (दाब मानक): 1010, योग्यरित्या वाचले गेले.
दृश्यता घटून 2000 मीटर (2 किमी) झाली होती.
उतरण्याचा प्रयत्न आणि अपघात:
कॅप्टनने रनवे 23साठी लोकलायझर-DME अप्रोच करण्याचे ठरवले. त्यांनी 6:47वाजता अहमदाबादच्या वरील भागातून विमान नेत असल्याचे कळवले. 6:50 वाजता विमान इनबाउंड वळण घेत होते. हीच त्यांची शेवटची ट्रान्समिशन होती. त्यानंतर विमानाने एटीसीशी कोणताही संपर्क साधला नाही.
advertisement
अपघाताची मुख्य कारणे:
- पायलट व को-पायलट दोघेही फक्त रनवे पाहण्याचा प्रयत्न करत होते आणि उंची मोजणाऱ्या यंत्रांकडे दुर्लक्ष करत होते.
- विमानाची गती 160 नॉट्स होती – ही गती निर्धारित मर्यादेपेक्षा जास्त होती.
- विमान 1000 फूट खाली आल्यानंतर कोणतेही मानक कॉलआउट्स दिले गेले नाहीत.
- रनवे दिसेपर्यंत 500 फूट पेक्षा खाली उतरू नये, हा नियम पाळलेला नव्हता.
- कोणतीही लँडिंग क्लिअरन्स घेतलेली नव्हती.
- 6:53 वाजता विमान चिलोदा-कोटारपूर गावाजवळील झाडांवर व उच्च-दाब विद्युत तारांवर आदळले आणि कोसळले. हा अपघात रनवे 23 च्या सुरुवातीपासून 2540 मीटर अंतरावर घडला.
advertisement
तांत्रिक व प्रशासनिक त्रुटी:
- अहमदाबाद विमानतळावर यावेळी काही सुविधांची अनुपलब्धता होती
- एप्रोच लाईट्स नव्हते
- ILS (Instrument Landing System) मधील glide path अनुपस्थित होता. केवळ लोकलायझर उपलब्ध होता.
- VASI लाईट्स, VOR व DME हे कार्यरत होते.
मृत्यू आणि पीडित:
एकूण मृत्यू: 133, सर्व 6 क्रू सदस्यांचा मृत्यू झाला. प्रो. लब्धी भंडारी, IIM अहमदाबादचे प्रख्यात प्राध्यापक यांचा मृत्यू झाला. अपघाता फक्त दोन व्यक्ती वाचल्या. यातील पहिली व्यक्ती अशोक अग्रवाल होय. ज्यांनी पत्नी आणि त्यांची 11 महिन्यांची मुलगी रुही यांना अपघातात गमावले होते. तर दुसऱ्या व्यक्तीचे नाव विनोद रेवा शंकर त्रिपाठी असे होते.
चौकशी आणि निकाल
- कोर्ट ऑफ इन्क्वायरीचा निष्कर्ष: अपघाताचे कारण म्हणजे पायलट व को-पायलटची निर्णयातील चूक, व हवामानाची अपुरी माहिती, तसेच नियम मोडून घेतलेली धोकादायक कृती.
भारत सरकारच्या समितीचा अंतिम निष्कर्ष:
दृष्टिमानता कमी असताना, नियम न पाळता पायलट व को-पायलटने उतरण्याचा निर्णय घेतला. हे रेकलस (गैरधाडसी) वर्तन होते.
भरपाई आणि न्यायालयीन कार्यवाही:
1989 मध्ये इंडियन एअरलाईन्सने प्रत्येक पीडिताच्या कुटुंबाला 2 लाखाची अंतिम भरपाई ऑफर केली होती. हे Carriage by Air Act, 1972 च्या नियमांनुसार होते. परंतु, यावर आव्हान दिल्यानंतर अहमदाबाद सिव्हिल कोर्टाने 14 ऑक्टोबर 2009 रोजी उच्च भरपाईची मंजुरी दिली.
न्यायालयाचा निर्णय:
भरपाई रक्कम वैयक्तिक निकषांवर आधारित – मृत व्यक्तीचे वय, उत्पन्न, व्यवसाय, भविष्याची क्षमता आणि जीवनमान लक्षात घेऊन ठरवली.
इंडियन एअरलाईन्स – 70% भरपाई,
एअरपोर्ट अथॉरिटी ऑफ इंडिया – 30% भरपाई देणार.
1989 पासून 9% वार्षिक व्याजासह रक्कम भरावी.
गुजरात उच्च न्यायालयाचा अंतिम निर्णय
अपघातासाठी प्राथमिक जबाबदारी पायलट व को-पायलटची आहे. त्यांनी दृश्यता नसतानाही उतरण्याचा प्रयत्न केला, VASI लाईट्स, DME, लोकलायझरचा उपयोग केला नाही, आणि ATC कडून परवानगी घेतली नाही. विमानतळ प्राधिकरणाचीसुद्धा काही प्रमाणात दुर्घटनेतील निष्काळजीपणा होती, कारण त्यांनी RVR अहवाल पायलटपर्यंत पोहोचवला नाही.
Location :
Mumbai,Maharashtra
First Published :
June 12, 2025 4:36 PM IST
मराठी बातम्या/Explainer/
फक्त 2 जण वाचले, Ahmedabad Airport वरील 37 वर्षांपूर्वीच्या भयावह आठवणी; पायलटची एक ‘घातक चूक’, 133 जणांचे आयुष्य संपले
