Dombivli : काही कळायच्या आत पाठीमागून आले; शाळेत जाणाऱ्या मुलीवर भटक्या कुत्र्यांचा हल्ला; थरकाप उडवणारा VIDEO

मिळालेल्या माहितीनुसार, सकाळच्या सुमारास संबंधित मुलगी शाळेसाठी घराबाहेर पडली होती. याच वेळी चार ते पाच भटक्या कुत्र्यांनी तिच्यावर अचानक हल्ला चढवला. कुत्र्यांनी घेराव घातल्याने मुलगी घाबरून गेली होती. आरडाओरड ऐकून सोसायटीतील सुरक्षा रक्षक तिच्या मदतीसाठी धावून आले.

सुरक्षा रक्षकाने वेळेवर कुत्र्यांना हाकलून लावले. त्यामुळे मोठा अनर्थ टळला आणि मुलीचा जीव वाचला. ही संपूर्ण घटना सोसायटीतील सीसीटीव्ही कॅमेऱ्यात कैद झाली असून संबंधित व्हिडिओ सध्या मोठ्या प्रमाणात व्हायरल होत आहे.