ना वाहतूक कोंडी ना रिक्षा भाड्याची गरज, डोंबिवलीकरांनी शोधला शॉर्टकट, गणेशनगरसाठी थेट...

डोंबिवली : डोंबिवली पश्चिमेतील रेल्वे मैदान, गणेशनगर आणि बावनचाळ परिसरातील अनेक नोकरदार सकाळच्या वेळेत वेळ आणि खर्च वाचवण्यासाठी वेगळा मार्ग निवडत आहेत. हे प्रवासी चोळे पॉवर हाऊस परिसरातील पडिक जागा किंवा रेल्वे कारशेड आणि भाजीपाला मळ्यांच्या बाजूने पायी चालत थेट ठाकुर्ली रेल्वे स्थानक गाठत आहेत. घरापासून अवघ्या दहा ते पंधरा मिनिटांत ठाकुर्ली स्थानक गाठता येत असल्याने हा मार्ग मोठ्या प्रमाणात वापरला जात आहे.