Kalyan : टवाळखोरांचे धाबे दणाणले, महिलांच्या सुरक्षेसाठी कल्याण पोलीसांची धडाकेबाज मोहीम

कल्याण शहरात महिला आणि मुलींच्या सुरक्षिततेसाठी पोलिसांनी मोठी कारवाई केली आहे. सार्वजनिक गर्दीची ठिकाणे, मॉल, उद्याने, बगीचे, तसेच शाळा-कॉलेज परिसर आणि निर्जन भागात महिलांची छेडछाड करणाऱ्या एकूण 1,013 टवाळखोरांवर कारवाई करण्यात आली आहे. या मोहिमेत दामिनी पथकाने विशेष लक्ष ठेवून संशयितांवर नजर ठेवली आणि तक्रारींची तत्काळ दखल घेतली.

उपायुक्त अतुल झेंडे यांच्या मार्गदर्शनाखाली दामिनी पथक सतत गस्त घालत असून महिला आणि विद्यार्थिनींच्या सुरक्षेसाठी सज्ज आहे. कामानिमित्त किंवा शिक्षणासाठी घराबाहेर पडणाऱ्या महिलांनी कोणतीही भीती न बाळगता मदत मागावी असे आवाहन पोलिसांकडून करण्यात आले आहे.