Ratnagiri Sindhudurg : नारायण राणेंना उमेदवारी, सामंतांची माघार; पत्रकार परिषदेत सांगितलं कारण

मुंबई : रत्नागिरी सिंधुदुर्गच्या जागेवरून महायुतीत असलेला तिढा अखेर सुटला आहे. महायुतीत रत्नागिरी सिंधुदुर्ग जागा भाजपच्या पारड्यात पडली असून भाजपने या जागेवर केंद्रीय मंत्री नारायण राणे यांना उमेदवारी जाहीर केली आहे. महायुतीकडून नारायण राणेंना उमेदवारी जाहीर होण्याआधी या जागेवरून इच्छुक असणारे किरण सामंत यांचे बंधू मंत्री उदय सामंत यांनी पत्रकार परिषद घेतली. त्यावेळी उदय सामंत यांनी उमेदवारीवरून असलेला तिढा सुटल्याचं सांगत राणेंना उमेदवारी जाहीर झाल्यास आम्ही पाठिंबा देऊ असं म्हणत भूमिका स्पष्ट केली.