किंमत फक्त 160! भोईराज हॉटेलची खास मच्छी थाळी खवय्यांची पहिली पसंत

बीड : वडवणी तालुक्यातील उकळी फाटा येथे एक छोटेसे हॉटेल दोन महिन्यांपूर्वी सुरू झाले. मालक राम कचरे आणि लखन कचरे या दोन भावंडांनी मोठ्या उत्साहाने हॉटेल उभारले आणि नाव ठेवले भोईराज हॉटेल. ग्राहकांना उत्तम चव देण्याच्या उद्देशाने सुरू झालेल्या या हॉटेलने सुरुवातीपासूनच खवय्यांना आकर्षित केले आहे.

विशेषतः नॉनव्हेज प्रेमींसाठी येथे असलेली स्पेशल मच्छी थाळी हा हॉटेलचा मुख्य आकर्षणबिंदू आहे. फक्त 160 रुपयांत चविष्ट, दर्जेदार आणि खिशाला परवडणारी ही थाळी ग्राहकांमध्ये चांगलीच लोकप्रिय झाली आहे. इतरत्र 250 ते 300 रुपयांना मिळणारी ही थाळी अतिशय स्वस्त आणि उत्कृष्ट दर्जाची असल्याने ग्राहक दूरवरून देखील खास भोईराजच्या थाळीची चव चाखण्यासाठी येत आहेत.