'या' इलेक्ट्रिक स्कूटरची बाजारात धमाकेदार एंट्री, बॅटरीसाठी राहा 7 वर्षे टेन्शन फ्री ; जाणून घ्या किंमत

कंपनीनं असा दावा केला आहे की, नवीन C12i EX इलेक्ट्रिक स्कूटरला ARAI-प्रमाणित 85 किमीची रेंज मिळेल. त्याचा बॅटरी पॅक 3 तासांत पूर्ण चार्ज होऊ शकतो. माहितीनुसार, ही इलेक्ट्रिक स्कूटर CAN-सक्षम तंत्रज्ञानाने सुसज्ज आहे, जी ग्राहकांना स्कूटरशी जोडून ठेवते. BG C12i EX इलेक्ट्रिक स्कूटर कंपनीच्या आधीच्या मॉडेल्सप्रमाणेच पूर्णपणे वॉटरप्रूफ IP67 रेटेड इलेक्ट्रिक मोटर आणि उष्णता आणि धूळ यांच्यापासून संरक्षणासह बॅटरी पॅकसह सुसज्ज आहे.

वाचा-हॉलमार्क नसलेले जुने दागिने विकताना 'या' गोष्टी लक्षात घ्या! फायद्यात राहाल

नवीन स्कूटर लाँच करताना BGAUSS चे संस्थापक आणि CEO हेमंत काबरा म्हणाले, “BGAUSS भारताच्या EV क्रांतीमध्ये नेहमीच आघाडीवर राहिली आहे. आम्ही उच्च कार्यक्षमता, सुरक्षित आणि बुद्धिमान इलेक्ट्रिक स्कूटर प्रदान करण्याच्या आमच्या ध्येयासाठी वचनबद्ध आहोत. उत्पादन गुणवत्ता, सुरक्षितता आणि कार्यक्षमतेत उच्च मानके स्थापित करण्याच्या आमच्या अटूट वचनबद्धतेमुळे आम्हाला या उल्लेखनीय क्षणापर्यंत पोहोचवले आहे. C12i EX ही 100% मेड इन इंडिया उच्च दर्जाची इलेक्ट्रिक स्कूटर आहे जी आमच्या वचनबद्धतेचे उदाहरण देते.”

ते पुढे म्हणाले, “आमच्या C12i MAX ला मिळालेला प्रतिसाद जबरदस्त आहे आणि आमच्या ग्राहकांनी आमच्या उत्पादनांवर आणि शाश्वत उपायांवर दाखवलेल्या विश्वासाबद्दल आम्ही त्यांचे आभारी आहोत. आम्हाला आशा आहे की आमचे नवीन उत्पादन, C12i EX ला देखील आमच्या ग्राहकांकडून सकारात्मक प्रतिसाद मिळेल. ही ई-स्कूटर 19 सप्टेंबर 2023 पासून 99,999 रुपयांच्या एक्स-शोरूम किमतीत उपलब्ध होईल.