प्रसिद्ध मासोळी अन् चिकन फ्राय, 16 वर्षांपासून प्रणिता चालवतात दिवा शहरात सेंटर, खवय्यांची मोठी गर्दी

प्रणिता भोईर यांच्या सासूबाईंनी या दुकानांची सुरुवात केली होती. लग्नानंतर सासुबाई आणि त्या मिळून दुकान चालवत होत्या. परंतु आता तब्येतीच्या कारणाने त्यांना जमत नसल्यामुळे प्रणिता भोईर या त्यांच्या पती सोबत मिळून हे दुकान चालवतात. प्रणिता भोईर यांना सुरुवातीला दुकान चालवताना थोडा त्रास झाला. कारण, मसाल्याचा अंदाज, माशांची कमी जास्त होणारी किंमत, दुकानासाठी लागणारा वेळ या सर्वाचं नियोजन करण्यासाठी साधारण एक वर्ष गेलं. कोणतेही प्रकारचे मांसाहारी फ्राय विकताना त्याचा मसाला महत्त्वाचा असतो. हाच घरी बनवला जाणारा फ्राय मसाला यशोदा चिकन सेंटरचे प्रमुख वैशिष्ट्य आहे.

या दुकानात चिकन फ्राय, करी पीस, कलेजीपेठा, बांगडा फ्राय, फाळे मासे फ्राय, मांदेली फ्राय, ढोमी मांदेली फ्राय अशा सर्व प्रकारचे मासे फ्राय खायला मिळतील. प्रणिता यांनी बनवलेले मासे फ्राय खाण्यासाठी दुकानासमोर लोकांची कायम गर्दी असते.

'आमच्याकडे वेगवेगळ्या प्रकारचे मासोळी फ्राय, चिकन फ्राय हे पदार्थ 80 रुपयांपासून मिळतात. हे सगळे पदार्थ आम्ही आमच्या आगरी पद्धतीने बनवतो आणि स्वस्तात विकतो म्हणूनच ते लोकांना आवडतात.'असे यशोदा चिकन सेंटरच्या दुकानदार प्रणिता भोईर यांनी सांगितले.

जर तुम्हाला आगरी पद्धतीने बनवलेले मासे फ्राय खाण्याची इच्छा असेल तर आवर्जुन या दिव्यातील यशोदा चिकन सेंटरला भेट द्या. आणि तुम्हाला हव्या असणाऱ्या मासोळीची चव घ्या.