Health Tips : पावसात सारख भिजताय का? मग या' टिप्स फॉलो करा, अन्यथा आजारी पडलाच म्हणून समजा

पावसाळ्यात भिजल्यानंतर शरीर कमकुवत होतं आणि रोगप्रतिकारक शक्ती कमी होण्याचा धोका वाढतो. त्यामुळे ताजे संत्री, लिंबू, आवळा यांसारख्या व्हिटॅमिन-सीने समृद्ध फळांचा आहारात समावेश करावा. हे पदार्थ शरीरातील प्रतिकारशक्ती वाढवतात आणि संसर्गाशी लढण्यास मदत करतात. याशिवाय गरम सूप, उदा. टोमॅटो सूप किंवा भाजीपाल्याचे सूप प्यायल्याने शरीर उबदार राहते आणि पोषणही मिळते. तसेच हळदीचे दूध प्यायल्यास सूज कमी होते आणि इम्युनिटी वाढते.

शरीर थंड होण्यामागे पायांचा मोठा वाटा असतो. पावसात भिजल्यावर पाय व्यवस्थित कोरडे करून मोजे घालावेत. शक्य असल्यास कोमट पाण्यात मीठ टाकून 10-15 मिनिटे पाय ठेवावेत. त्यामुळे रक्ताभिसरण सुधारते, थकवा कमी होतो आणि थंडीचा परिणाम कमी होतो. हा उपाय विशेषतहा ऑफिसमधून किंवा प्रवास करून आल्यावर केल्यास खूप आराम मिळतो.(वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)