लसूण आणि गरम पाणी प्यायल्याने Blood Pressure नियंत्रित राहतं? आयुर्वेद तज्ज्ञ काय सांगतात वाचा

लसणामध्ये अनेक आरोग्यदायी गुणधर्म असतात. यात (Allicin) अॅलिसिन नावाचे कंपाऊंड असते, जे रक्तदाब नियंत्रित करण्यास उपयुक्त ठरते. हे कंपाऊंड रक्तवाहिन्या रुंद करून रक्त प्रवाह सुलभ करते आणि रक्तदाब कमी करण्यास देखील मदत करते.

रोज सकाळी रिकाम्या पोटी ताजी लसणीची पाकळी सोलून खा. लसूण पाकळी चांगली चावून गिळावी म्हणजे लसणामध्ये असलेले अॅलिसिन सक्रिय होऊ शकेल. लसूण खाल्ल्यानंतर एक ग्लास कोमट पाणी प्या. ही प्रक्रिया लसणाचा प्रभाव वाढविण्यास उपयुक्त ठरते आणि पचनसंस्थाही मजबूत करते.

आयुर्वेद तज्ज्ञ डॉ. राहुल बोरोलिया यांच्या मते, या उपायाचा परिणाम हळूहळू सुरू होतो. 15 ते 30 दिवस नियमितपणे हा उपाय केल्याने रक्तदाब सुधारू लागतो. तथापि, हा परिणाम त्या व्यक्तीच्या शारीरिक स्थितीवर आणि रक्तदाबाच्या स्थितीवर अवलंबून असतो. काही प्रकरणांमध्ये, पहिल्या आठवड्यापासूनच रक्तदाब कमी झाल्याचे दिसून येते.

लसणाच्या नियमित सेवनाने रक्तदाब स्थिर राहतो आणि उच्च रक्तदाबाचा धोका कमी होतो. लसूण हृदयरोग रोखण्यास देखील उपयुक्त आहे, कारण ते कोलेस्ट्रॉलची पातळी नियंत्रित करते आणि रक्त प्रवाह सुधारते. हा उपाय पूर्णपणे नैसर्गिक असून योग्य प्रमाणात घेतल्यास त्याचे कोणतेही दुष्परिणाम होत नाहीत.

सकाळी रिकाम्या पोटी हा उपाय करा जेणेकरून लसणाच्या उपचारांचा प्रभाव राहील. लसणामुळे कुणाला पोटात जळजळ किंवा गॅसची समस्या असेल तर त्यांनी हा उपाय करण्यापूर्वी डॉक्टरांचा सल्ला घ्यावा. जर आपण रक्तदाबाची इतर औषधे घेत असाल तर हा उपाय अवलंबण्यापूर्वी आपल्या डॉक्टरांचा सल्ला घ्या, कारण लसूण औषधांसह एकत्र केल्यास रक्तदाब कमी करू शकतो आणि लो ब्लड प्रेशरचा त्रास उद्भवू शकतो.