Agriculture News:....तर सरकारकडून शेतकऱ्यांना मिळते 7 लाख 50 हजारांची मदत, योजनेची संपूर्ण माहिती

छत्रपती संभाजीनगर : वन्यप्राण्यांकडून शेतकऱ्यांच्या पिकाचे नुकसान किंवा पशूंवर प्राणघातक हल्ला केला आणि त्यात नुकसान झाल्यास त्यांचे पंचनामे करून शेतकऱ्यांना त्याची भरपाई शासनाकडून दिली जाते. तसेच वन्यप्राण्यांमुळे मानवी हानी किंवा अपंगत्व आल्यास महाराष्ट्र वन्यप्राण्यांमुळे झालेली हानी, नुकसान आणि इजा याकरता नुकसानभरपाई करणे अधिनियम 2023 आहे, हा अधिनियम 30 जानेवारी 2024 ला लागू झाला आहे. त्यानुसार वन्यप्राण्याच्या हल्ल्यात गंभीर जखमी किंवा ठार झाल्यास शासनाकडून 25 लाख रुपये दिले जाते, यामुळे कर्ता पुरुष गमावलेल्या कुटुंबीयांसाठी ही मोठा मदत शासनाकडून मिळत आहे असे छत्रपती संभाजीनगर वनपरिक्षेत्र अधिकारी सागर कुटे यांनी लोकल 18 सोबत बोलताना सांगितले.