Stress And Depression : तणाव आणि नैराश्यात फरक काय? यापासून मुक्त राहण्यासाठी काय करावं? तज्ज्ञांचा महत्त्वाचा सल्ला

कोल्हापूर : आजच्या धकाधकीच्या जीवनात तणाव आणि नैराश्य हे शब्द आपल्या रोजच्या बोलण्याचा भाग झाले आहेत. शाळकरी मुलांपासून ते निवृत्त अधिकाऱ्यांपर्यंत, प्रत्येकजण या समस्यांना तोंड देत आहे. पण यांना सामान्य समजून दुर्लक्ष करणं कितपत योग्य आहे? तणाव आणि नैराश्य यात नेमका फरक काय? यांचं निदान कसं करावं? आणि उपचार कोणते? याबाबत जाणून घेणं अत्यंत आवश्यक आहे. याबद्दलचं कोल्हापूर येथील प्रसिद्ध संमोहन आणि मानसोपचार तज्ज्ञ डॉ. उत्तम गव्हाणे यांनी माहिती दिली आहे.

नैराश्य, दुसरीकडे, ही एक गंभीर मानसिक आरोग्य समस्या आहे. यामध्ये व्यक्तीला सतत उदास वाटणं, स्वतःबद्दल नकारात्मक विचार येणं, आनंदाची भावना हरवणं आणि काहीवेळा आत्महत्येचे विचार येणं यांसारखी लक्षणं दिसतात. तणाव हा तात्पुरता असू शकतो, पण नैराश्य दीर्घकाळ टिकतं आणि यासाठी वैद्यकीय उपचार आवश्यक असतात, असं डॉ. गव्हाणे सांगतात.

सतत दोन आठवड्यांहून अधिक काळ उदास वाटणं, झोप किंवा भूक यात बदल, आणि दैनंदिन कामात रस न वाटणं ही नैराश्याची प्रमुख लक्षणं आहेत. तणावामुळे हृदयाचे ठोके वाढणं, रक्तदाब वाढणं किंवा पचनाच्या समस्या उद्भवू शकतात, तर नैराश्यामुळे व्यक्ती स्वतःला एकटं आणि निरुपयोगी समजू लागते, असं डॉ. गव्हाणे सांगतात.