Health Tips: मन होईल लगेच शांत! नाशिकच्या इंजिनिअरने बनवले एक नंबर डिव्हाईस, पेटंटही मिळालं! VIDEO

आपण मोबाईल वापरतो काही कालावधीनंतर तो स्लो होतो, कधी हँग देखील होतो. गरम होतो मग आपण काय करतो? तर आपण एकच रीसेट बटन दाबतो आणि तो पुन्हा फुलफ्लेजमध्ये कामाला लागतो. मग आपल्या मनासाठी असं एखादं रीसेट बटन हवं नाही का? ह्या विचारापासूनच माईंड ऑफ या संकल्पनेचा जन्म दिला गेला.

आपला श्वास हा मेंदूसाठी सर्वात नैसर्गिक सिग्नल आहे. वापरकर्त्याचा श्वास रिअल-टाईममध्ये कॅप्चर करतो आणि त्याचा नैसर्गिक आवाज त्यालाच ऐकवतो. त्याचवेळी खास निवडलेल्या बायनॉरल फ्रिक्वेन्सी ऑडिओ ट्रॅक मेंदूच्या लहरींना बीटा ब्रेनवेव्ह ( Stress मोड) मधून अल्फा/थीटा (Calm मोड) मध्ये नेतात. याचा परिणाम काही सेकंदांत मन शांत होतं आणि मेडिटेशन आपोआप सुरू होतं आणि तणावाचे परिणाम कमी होऊ लागतात. अॅपवर बसून श्वास मोजण्याची, डोळे मिटून ध्यान करण्याची गरज नाही हे यंत्र ते सगळं आपोआप घडवतो.

माईंड ऑफचा पाया ध्वनीलहरींचा मेंदूवर होणारा परिणाम करणे न्यूरोसायन्स (श्वासाचा भावनांवर होणारा परिणाम) आणि लयबद्ध गाणी (तालावर मेंदूची नैसर्गिक समायोजन प्रक्रिया) या शास्त्रावर आहे.