Tea : चहा जास्त वेळ उकळणं आरोग्यासाठी हानिकारक? तज्ज्ञांनी सांगितली चहा बनवण्याची योग्य पद्धत

चहा हे बहुतांश जणांचं आवडतं पेय असतं. कित्येक जणांच्या दिवसाची सुरुवात चहानेच होते. अनेक जण तर चहाचे शौकीनच असतात. शिवाय अनेकांना असलेल्या चहाच्या आवडीचं रूपांतर जवळपास व्यसनातच झालेलं असतं. त्यामुळे दिवसातून किती तरी वेळा ते चहा पितात. चहाने तरतरी येते. कामाला उत्साह येतो. एकदम ताजंतवानं वाटतं, असा अनेकांचा अनुभव असतो. चहाची तलफ आली आणि त्या वेळी चहा मिळाला नाही, तर अनेकांना अस्वस्थ वाटतं. जास्त प्रमाणात चहा प्यायला तर त्याचे दुष्परिणाम होतात, हे माहिती असलं तरी चहाची सवय सहजासहजी सुटत नाही. सार्वजनिक ठिकाणी चहाचे स्टॉल्स जिकडेतिकडे असतात, जेणेकरून कोणालाही कधीही चहा प्यावासा वाटला, तर चहा उपलब्ध व्हावा. पुण्यात तर चहाच्या स्टॉल्सचं नाव 'अमृततुल्य' असं असतं. यावरूनच चहाची महती लक्षात येते. आंतरराष्ट्रीय चहा दिवसदेखील साजरा केला जातो.