हिवाळ्यात आजारी पडायचं नाहीये मग खा ‘या’ गोष्टी, शरीर राहील उबदार, वाढेल रोगप्रतिकारक शक्ती

मुंबई : ऋतूचक्रात बदल झाला की, सर्दी, खोकला, थंडी ताप अशा आजारांना सुरूवात होते. थंडीमुळे बदलत्या वातावरणाशी जुळवून घेताना ज्यांची रोगप्रतिकारक शक्ती कमी असते अशा व्यक्ती आजारी पडू शकतात. ‘जैसा देस वैसा भेस’ या म्हणीप्रमाणे जर तुम्हाला कोणत्याही ऋतूत एकदम फिट राहायचं असेल तर तुम्हाला तसा आहार घ्यायला हवा. ऋतू कोणताही असो, आहार पौष्टिकतेने परिपूर्ण असेल तर निरोगी आणि तंदुरुस्त राहता येते. मात्र ऋतूचे तापमान लक्षात घेऊन गरम किंवा थंड गोष्टींचा आहारात समावेश करणे आवश्यक आहे. थंडीच्या दिवसात आहारात गरमवृत्तीच्या पदार्थांचा समावेश केल्याने ते शरीर आतून उबदार ठेवण्यास मदत करतीलच त्याचबरोबर पोषक तत्वांनी समृद्ध असल्याने प्रतिकारशक्ती वाढवण्यास देखील उपयुक्त ठरू शकतील. चला तर मग जाणून घेऊया असे कोणते पदार्थ आहेत जे तुम्हाला हिवाळ्यात आपल्या शरीरासाठी फायद्याचे ठरतील.