Kiwi fruit Benefits: अनेक आजारांवर गुणकारी आहे किवी, हिवाळ्यात खाल्ल्याने होतील ‘इतके’ फायदे, जवळही येणार नाहीत आजार

नोएडाच्या डाएट क्लिनिकच्या  वरिष्ठ आहारतज्ञ अमृता मिश्रा सांगतात की, ‘किवी फळात फायबर, लिपिड्स, व्हिटॅमिन्स, प्रोटिन्स, मिनरल्स, कार्बोहायड्रेट्स, अँटिऑक्सिडंट्स, व्हिटॅमिन सी अशी विविध पोषक तत्वं भरपूर प्रमाणात आढळून येतात. याशिवाय किवीच्या दाहक-विरोधी गुणधर्मांमुळे संधीवात किंवा हिवाळ्यात उद्भवणाऱ्या सांधेदुखीच्या त्रासापासून आराम मिळू शकतो. किवी खाल्ल्याने शरीराच्या पेशींची झालेली झीज भरून येते. त्यामुळे कमकुवत पेशींना  ताकद मिळून त्या मजबूत व्हायला मदत होते. एखादी जखम भरायला वेळ लागत असेल तर किवीच्या सेवनामुळे ती जखम लवकर भरायला मदत होते.’ किवी हे फळ वर्षभर जरी मिळत असलं तरीही हिवाळ्यात हे फळ प्रकर्षाने खाण्याचा सल्ला त्या देतात.