Pimples : चेहऱ्यावर मुरुम येण्यामागची कारणं शोधा, मगच उपचार करा, त्वचारोगतज्ज्ञांचा सल्ला नक्की वाचा
- Published by:Renuka Joshi
Last Updated:
चेहऱ्यावर मुरुम येतात त्यामागे अनेक कारणं असतात. त्वचारोगतज्ज्ञ डॉ. आंचल पंथ यांनी एका इंस्टाग्राम व्हिडिओद्वारे याविषयी माहिती दिली आहे. मुरुम किंवा पुरळ का येतं तसंच कोणत्या सवयींमुळे हे प्रमाण कमी होऊ शकतं याचा तपशील दिला आहे. या सवयी बदलल्यानं त्वचा चांगली राहण्यास मदत होऊ शकते.
मुंबई : चेहऱ्यावर विविध कारणांमुळे पुरळ किंवा फोड येतात. त्यावर लगेच औषध लावण्याआधी किंवा गोळ्या घेण्याआधी ही माहिती जरुर वाचा.
चेहऱ्यावर मुरुम येतात त्यामागे अनेक कारणं असतात. त्वचारोगतज्ज्ञ डॉ. आंचल पंथ यांनी एका इंस्टाग्राम व्हिडिओद्वारे याविषयी माहिती दिली आहे. मुरुम किंवा पुरळ का येतं तसंच कोणत्या सवयींमुळे हे प्रमाण कमी होऊ शकतं याचा तपशील दिला आहे. या सवयी बदलल्यानं त्वचा चांगली राहण्यास मदत होऊ शकते.
advertisement
- ट्रिटमेंट पूर्ण करा.
चेहऱ्यावरचे मुरुम येतात ते बरे करण्यासाठी, आपल्या दिनचर्येत काही चुका आहेत ते एकदा तपासून पाहा. अनेकदा मुरुम घालवण्यासाठी ट्रिटमेंट केली जाते पण ती सलग पूर्ण केली जात नाही. उपचारांचे निकाल येण्यासाठी किमान चार ते सहा आठवडे लागतात, म्हणून कोणताही उपचार वगळू नका.
- टाळूची स्वच्छता.
नियमितपणे चेहरा स्वच्छ करताय पण केस आणि टाळू जर अस्वच्छ असेल तर टाळूमधे तेल तयार होतं. हे तेल कपाळावर आणि गालावर देखील पोहोचू शकतं. या तेलामुळे मुरुमं आणि फोड येण्याचं प्रमाण वाढतं. म्हणून, नियमितपणे टाळू स्वच्छता करणं महत्वाचं आहे.
advertisement
- उशांचं कव्हर वेळेवर न बदलणं.
महिनोनमहिने उशांचं कव्हर बदलत नसाल तर मुरुम येण्याचं प्रमाण वाढणार. मुरुम टाळण्यासाठी त्वचारोगतज्ज्ञ दर दोन ते तीन दिवसांनी उशांचं कव्हर बदलण्याची शिफारस करतात. केसांमधून येणारं तेल उशीवर जातं, ज्यामुळे चेहऱ्यावरील मुरुम आणखी वाढतात.
advertisement
- योग्य क्लींजरचा वापर न करणं.
चेहऱ्यावरील घाण काढून टाकली जाईल पण त्वचा कोरडी होणार नाही अशा क्लीन्झरचा वापर करण्याचा सल्ला त्वचारोगतज्ज्ञ देतात. चुकीच्या क्लींजरमुळे त्वचा कोरडी होते.
- अयोग्य आहार.
बरेच लोक फोडांवर उपचार सुरु करतात पण, आहार चुकीचा असतो. यासाठी साखर आणि दुग्धजन्य पदार्थ टाळणं आवश्यक आहे. यामुळे त्वचा निरोगी राहण्यास मदत होते, चेहऱ्यावर नैसर्गिक चमक राहते.
view commentsLocation :
Mumbai,Maharashtra
First Published :
Dec 24, 2025 5:55 PM IST
मराठी बातम्या/लाइफस्टाईल/
Pimples : चेहऱ्यावर मुरुम येण्यामागची कारणं शोधा, मगच उपचार करा, त्वचारोगतज्ज्ञांचा सल्ला नक्की वाचा
