महाराष्ट्राच्या खाद्यसंस्कृतीतील खास पदार्थ, पारंपरिक सांज्याची पोळी, रेसिपीचा Video

पुणे: महाराष्ट्राची खाद्यसंस्कृती ही विविध पारंपरिक पदार्थांनी समृद्ध आहे. त्यापैकी एक खास आणि घराघरात बनवला जाणारा पदार्थ म्हणजे सांज्याची पोळी. हा पदार्थ केवळ चविष्टच नाही, तर ऐतिहासिक परंपरेशीही जोडलेला आहे. छत्रपती शिवाजी महाराज यांच्या काळात सांजा आणि त्यापासून बनवली जाणारी सांज्याची पोळी मोठ्या प्रमाणात तयार केली जात असल्याचे सांगितले जाते. सांजा म्हणजे रव्यापासून बनवला जाणारा गोड प्रकार आणि त्याच सांज्याचे सारण भरून तयार केली जाणारी ही पोळी म्हणजे सांज्याची पोळी होय. ही पारंपरिक आणि चविष्ट रेसिपी प्रिती शिवशरण यांनी खास पद्धतीने बनवून दाखवली आहे.