झटपट आणि चविष्ट रव्याची खीर; एकदम कोकणी स्टाईल रेसिपी

मुंबई : पावसाळा जून महिन्यापासून सुरू होत असला तरी हिरवळ मात्र श्रावणात दाटते. त्यामुळे या महिन्यात सर्वत्र अत्यंत प्रसन्न वातावरण असतं. शिवाय श्रावणापासून सणवार सुरू होत असल्यानं घरोघरी गोडधोड पदार्थ बनवले जातात. कोकणात या दिवसांमध्ये रव्याची खीर ठरलेलीच असते. ही खीर चवीला एवढी भारी लागते की, एका वाटीवर खवय्यांचं भागत नाही.

सणावारानिमित्त घरी पाहुणीमंडळींची रेलचेल असते. त्यांच्यासाठी आपण ही झटपट होणारी खीर नक्कीच बनवू शकता. तसंच श्रावणी सोमवारी करावयाचा हा गोडाचा उत्तम पदार्थ आहे.

रवा शिजल्यावर 5 मिनिटांनी त्यात तुपात परतलेले काजू, बदामाचे तुकडे घाला. मग साखर घालून 5 मिनिटं थांबा. साखर रव्यात व्यवस्थित विरघळली की चवीनुसार वेलचीपूड घाला. आता शेवटी मिश्रणात गरम दूध ओता आणि खीर 5 मिनिटं शिजू द्या. आपल्याला हवी तशी खीर आटवून घ्या किंवा पातळ ठेवा. आपण वरून केशरही घालू शकता. अशाप्रकारे स्वादिष्ट अशी गरमागरम रव्याची खीर तयार आहे.