तोंडात टाकताच विरघळणार, थकवा आणि टेन्शन दूर पळणार, घरच्या घरीच बनवा मनुक्यांची बर्फी

सांगली: हिवाळ्यात उत्तम आरोग्यासाठी आहाराकडे सर्वांचं लक्ष असतं. अनेकजण आपल्या घरात विविध प्रकारचे पौष्टिक पदार्थ बनवत असतात. अनेकजण शरीरात उष्णता निर्मितीसाठी ड्रायफ्रुट आवर्जून खात असतात. तर काही गृहिणी ड्रायफ्रुट घालून काही खास पदार्थ बनवत असतात. अशीच एक रेसिपी मनुक्यांची बर्फी होय. सांगलीतील उद्योजिका सारिका होनमाने यांनी रोगप्रतिकार शक्ती वाढवण्यासाठी मदत करणारी आणि तोंडात टाकताच विरघळणारी अशी मनुक्यांच्या बर्फीची रेसिपी सांगितली आहे.

तयार मिश्रणात नंतर बारीक चिरलेला गुळ किंवा साखर घाला. 15 ते 20 मिनिटे मंद आचेवर सर्व मिश्रण एकसारखे परतत राहावे. 15 ते 20 मिनिटात मिश्रण घट्ट येताच त्यामध्ये वेलची पावडर टाकावी. गॅस बंद करून एका ताटाला तूप लावून त्यावरती गरम मिश्रण पसरून घ्या. पसरलेल्या मिश्रणावरती काजू किंवा बदामाचे तुकडे टाकावेत. मिश्रण हलकेसे थंड होताच त्याच्या वड्या पाडाव्या. अशा प्रकारे अगदी सोप्या पद्धतीने ही रेसिपी तयार होते.

दरम्यान, मनुके हे आरोग्यासाठी लाभदायी मानले जातात.  मनुक्याचे पदार्थ खाल्ल्याने थकवा कमी होतो आणि शरीराला आराम मिळतो. त्यामुळे अनेक पदार्थांत देखील त्यांचा वापर केला जातो. परंतु, फक्त मनुक्यांपासून बनणारी ही आरोग्यदायी बर्फी आपण अगदी सोप्या पद्धतीने आपल्या घरातही बनवू शकता.