strawberry benefits कॅन्सर, हार्ट ॲटॅकला दूर ठेवेल ‘हे’ फळ, रोज खाल्ल्याने मिळेल मन:शांती

स्ट्रॉबेरीमध्ये अँटीऑक्सिडंट्स भरपूर असतात जे कर्करोगापासून शरीराचं संरक्षण करतात. स्ट्रॉबेरीच्या  सेवनाने मुक्त रॅडिकल्स नष्ट होऊ शकतात आणि कर्करोगासारख्या जीवघेण्या आजारांना दूर ठेवता येतं.

स्ट्रॉबेरीतले जीवनसत्व सी आणि फायबर्स खराब कोलेस्टेरॉल कमी करतात त्यामुळे हृदयविकाराचा धोका कमी होतो. दररोज स्ट्रॉबेरी खाल्ल्याने रक्तातील साखरेची पातळी नियंत्रणात राहण्यास मदत होते. क जीवनसत्व रोगप्रतिकारक शक्ती वाढवते आणि शरीर निरोगी ठेवते. हाडे मजबूत करण्यात देखील स्ट्रॉबेरी मदत करते. मानसिक आरोग्य सुधारण्याबरोबरच, स्ट्रॉबेरी त्वचेची झीज भरून काढते आणि लैंगिक आरोग्य सुधारायला मदत करते.

स्ट्रॉबेरी हा फायबरचा चांगला स्रोत आहे ज्यामुळे पचन सुधारते. स्ट्रॉबेरीजमुळे पोटदुखीपासून आराम मिळतो. गॅस आणि ॲसिडिटीवर स्ट्रॉबेरी सर्वोत्तम फळ मानलं जातं.  बद्धकोष्ठतेसारख्या समस्या दूर करण्यासाठी स्ट्रॉबेरी मदत करू शकतात.

स्ट्रॉबेरीत असलेल्या फायबर्समुळे पोट भरलेलं राहतं त्यामुळे भूक कमी लागते. शिवाय स्ट्रॉबेरीत कॅलरीज कमी असल्यामुळे वजन नियंत्रणात राहायला मदत होते.