कल्याणमध्ये नाश्ता अन् लातूरमध्ये जेवण! ४५० किलोमीटर अंतर, जनकल्याण महामार्गाचे संरेखन निश्चित, कोणत्या जिल्ह्यांतून जाणार?

मुंबई : राज्यातील दळणवळण अधिक वेगवान आणि सुलभ करण्यासाठी महाराष्ट्र राज्य रस्ते विकास महामंडळाने (एमएसआरडीसी) महत्त्वाकांक्षी कल्याण–लातूर जनकल्याण महामार्ग प्रकल्प हाती घेतला आहे. या महामार्गामुळे मुंबई आणि ठाणे येथून लातूरपर्यंतचा प्रवास केवळ ५ तासांत पूर्ण करण्याचे उद्दिष्ट ठेवण्यात आले आहे. सध्या हा प्रवास पूर्ण करण्यासाठी सुमारे १२ तास लागतात.