गोळ्यांपेक्षाही पावरफुल या 3 पालेभाज्या, खाल तर आजार जवळही फिरकणार नाही

सर्व पालेभाज्यांमध्ये हरभऱ्याच्या पाल्याची भाजी सर्वोत्तम असल्याचं संशोधनात सिद्ध झालं आहे. इकॉनॉमिक टाइम्समध्ये प्रसिद्ध झालेल्या वृत्तानुसार, जर्नल ऑफ द सायन्स ऑफ फूड अँड अ‍ॅग्रिकल्चर यामध्ये हरभऱ्याच्या पाल्यासंदर्भातल्या संशोधनाबद्दलची माहिती प्रसिद्ध झाली आहे. त्या संशोधनानुसार, पौष्टिक तत्त्वांच्या बाबतीत हरभऱ्याचा पाला हा पालक, मोहरी, मेथी यांच्या तुलनेत अधिक समृद्ध आहे. तसंच, तो अधिक स्वादिष्टही आहे. त्या संशोधनात असंही म्हटलं आहे, की गरिबी आणि कुपोषणग्रस्त भागांमध्ये हरभऱ्याच्या पाल्याचं सेवन केलं गेलं, तर कुपोषणाची समस्या दूर होऊ शकते, एवढी क्षमता त्यात आहे.