Uddhav Thackeray Raj Thackeray Alliance: ठाकरे गट आणि मनसेच्या युतीचा मुहूर्त ठरला? जागा वाटपाची चर्चा कधीपासून? समोर आली मोठी अपडेट

मनसे आणि शिवसेना ठाकरे गटाची संभाव्य युती झाल्यास काही महत्त्वाच्या महानगरपालिकांमध्ये मोठे समीकरण बदलू शकते. विशेषतः मुंबई, ठाणे, नाशिक, छत्रपती संभाजीनगर, कल्याण-डोंबिवलीमध्ये याचा परिणाम दिसू शकतो.

शिवसेना ठाकरे गटाच्या सूत्रांनी दिलेल्या माहितीनुसार, दोन्ही पक्षांमध्ये मंगळवार, १८ नोव्हेंबर पासून जागा वाटपाची चर्चा सुरू होणार आहे. या बैठकीत ठाकरे गट आणि मनसेचे काही मोजकेच पदाधिकारी सहभागी होणार असल्याची माहिती समोर आली आहे. काही दिवसांपूर्वीच मुंबई महापालिकेचे प्रभाग आरक्षण जाहीर करण्यात आले होते. त्यानंतर जागा वाटपांच्या चर्चा सुरू होतील असा अंदाज बांधला जात होता. त्याआधीच मनसे आणि ठाकरे गटाने आपल्या प्रभागांचा आढावा घेतला होता. आता जागा वाटपाबाबत चर्चा सुरू होणार असल्याने ठाकरे गट-मनसेची युती जाहीर होण्याची शक्यता वाढली आहे.