शिवसेना मंत्र्यांचा कॅबिनेटवर बहिष्कार, चला आज कुणीतरी गावाला जाणार, आदित्य ठाकरेंनी डिवचलं

मुंबई : स्थानिक स्वराज्य संस्था निवडणुकीच्या पार्श्वभूमीवर शिवसेना पक्षातील नेतेमंडळींना फोडून भाजपमध्ये पक्षप्रवेश दिले जात असल्याच्या कारणातून शिवसेना मंत्री रुसून बसले. मंगळवारी झालेल्या मंत्रिमंडळ बैठकीवर त्यांनी बहिष्कार टाकून मनातला रोष दाखवून दिला. तसेच मुख्यमंत्री फडणवीस यांची भेट घेऊन सद्यस्थितीत घडणाऱ्या घडामोडी फारशा बऱ्या नाहीत, अशी नाराजी सेनेच्या मंत्र्यांनी व्यक्त केली. या सगळ्या राजकीय रुसवा फुगव्याची चर्चा होत असताना शिवसेना ठाकरे गटाचे नेते आदित्य ठाकरे यांनी एक्सवर पोस्ट करून डिवचले आहे.