भाजप आमदार संजय केनेकरांना जीवे मारण्याचा कट? रात्री भेटायला आलेल्या व्यक्तीच्या बॅगेत घातक हत्यार

अविनाश कानडजे, प्रतिनिधी छत्रपती संभाजीनगर: शहरातील भाजप आमदार संजय केनेकर यांच्या कार्यालयात एक धक्कादायक प्रकार घडला आहे. शुक्रवारी रात्री त्यांना भेटायला आलेल्या एका व्यक्तीच्या बॅगमध्ये घातक हत्यार सापडलं आहे. हा प्रकार उघडकीस येताच एकच खळबळ उडाली आहे. ही माहिती समोर येताच राजकीय वर्तुळात अनेक तर्कवितर्क लढवले जात आहे. आमदार केनेकर यांच्या घातपाताचा हा प्रयत्न होता का? अशी शंकाही उपस्थित केली जात आहे. या घटनेची दखल पोलिसांनी घेतली असून पुढील तपास सुरू आहे.