पुण्यात भाजपचं धक्कातंत्र, महापौरपदी राष्ट्रवादीच्या आमदाराची सूनबाई? स्पर्धेत नाव आघाडीवर

वैभव सोनवणे, प्रतिनिधी, पुणे : प्रमुख पदावर व्यक्ती बसवताना भारतीय जनता पक्ष धक्कातंत्राचा वापर करतो, हे अनेकदा दिसून आले आहे. पुण्यातही महापौरपदाबाबत भाजप अशाच धक्कातंत्राचा वापर करू शकतो, अशी चर्चा राजकीय वर्तुळात आहे. महापौरपदाचे आरक्षण खुल्या प्रवर्गातील महिलेला निश्चित झालेले असताना राष्ट्रवादी काँग्रेसचे आमदार बापूसाहेब पठारे यांच्या सूनबाई ऐश्वर्या पठारे यांच्या नावाची चर्चा सुरू झाली आहे. उच्चशिक्षित असलेल्या ऐश्वर्या पठारे यांच्या नावाचा विचार पुणे महापौरपदासाठी होऊ शकतो, असे भाजपमधील सूत्रांनी सांगितले.