'माझी मुलगी गेली पण...', बापाचा आक्रोश, अकोल्यात सातवीच्या मुलीनं संपवलं जीवन, आठवीतला मुलगा ठरला कारण

अकोल्याच्या जुने शहर पोलीस ठाण्याच्या हद्दीत एक धक्कादायक घटना उघडकीस आली आहे. इथं एका सातवीत शिकणाऱ्या १३ वर्षीय मुलीनं आपल्या राहत्या घरात आयुष्याचा शेवट केला आहे. धक्कादायक बाब म्हणजे मागील सहा महिन्यांपासून शाळेतील एक आठवीचा मुलगा सातत्याने तिला त्रास देत होता. याबाबत मुलीने शाळेत तक्रार केली होती. मात्र तरीही आरोपी मुलगा सुधारला नाही. त्याने मुलीचा छळ सुरूच ठेवला. अखेर आरोपी मुलाच्या त्रासाला कंटाळून मुलीनं आपल्या राहत्या घरात गळफास घेऊन आत्महत्या केली आहे. या घटनेनं संपूर्ण शहरात हळहळ व्यक्त होत आहे.