छत्रपती संभाजीनगरमध्ये मोठा तणाव, बकऱ्यांवरुन तुफान राडा; दगडफेक आणि गाड्यांची तोडफोड

अनिल साबळे, प्रतिनिधी जि. छत्रपती संभाजीनगर: सिल्लोड तालुक्यातील अंभई गावात काल रात्री दोन गटांमध्ये तुफान राडा झाला. किरकोळ कारणावरून सुरू झालेल्या वादाचं पर्यावसान दगडफेक आणि जाळपोळीत झाल्याने गावात प्रचंड तणाव निर्माण झाला. या हिंसक प्रकारात ५ ते ६ जण जखमी झाले असून, संतप्त जमावाने सुमारे १५ ते २० वाहनांची तोडफोड केली. विशेष म्हणजे, या वादाला आता राजकीय रंग चढला असून शिवसेना आणि भाजप कार्यकर्त्यांमध्येही आमनेसामने संघर्ष पाहायला मिळत आहे.