संत तुकाराम महाराज बीज सोहळ्यानिमित्त देहूत कडक निर्बंध, इंद्रायणीचे पाणी वापरास बंदी, कारण काय?

पुणे: श्रीक्षेत्र देहू येथे 3 ते 5 मार्चदरम्यान संत तुकाराम महाराज बीज सोहळा पार पडणार आहे. या सोहळ्यासाठी मोठ्या प्रमाणावर भाविकांची मांदियाळी असते. याच पार्श्वभूमीवर प्रशासनाने खबरदारीचा उपाय म्हणून मोठा निर्णय घेतला आहे. इंद्रायणी नदीचे पाणी पिण्यासाठी तसेच स्वयंपाकासाठी वापरण्यास प्रतिबंध घालण्यात आला आहे. आरोग्यविषयक धोके टाळण्यासाठी जिल्हाधिकाऱ्यांनी प्रतिबंधात्मक आदेश लागू केले असून नागरिकांनी याची नोंद घ्यावी, असे आवाहन प्रशासनाकडून करण्यात आले आहे.