Thane : प्रतीक्षा संपणार! माजिवडा ते वडपे मार्गाचं 83 टक्के काम पूर्ण; वाहतूक कधी सुरू? महत्त्वाचं अपडेट

महत्त्वाची गोष्ट म्हणजे ठाणे, भिवंडी, कल्याण, नाशिक आणि समृद्धी महामार्गाला जोडणाऱ्या मुंबई-नाशिक महामार्गावरील माजिवडा ते वडपे या मार्गाच्या रुंदीकरणाचे काम अंतिम टप्प्यात आले आहे. या 23.80 किमी लांबीच्या प्रकल्पाचे सुमारे 83 टक्के काम पूर्ण झाले असून मे महिन्याच्या अखेरीस हा रस्ता वाहतुकीसाठी खुला होण्याची शक्यता आहे.

हा मार्ग सुरू झाल्यास पावसाळ्यात ठाणे आणि भिवंडी परिसरात होणारी वाहतूक कोंडी मोठ्या प्रमाणात कमी होण्याची अपेक्षा आहे. मुंबईहून समृद्धी महामार्गाच्या दिशेने जाणाऱ्या वाहनांसाठीही प्रवास अधिक वेगवान होईल.

2021 पासून एमएसआरडीसी या प्रकल्पाचे काम हाती घेतले. नव्या साकेत पुलावरून अलीकडेच वाहतूक सुरू झाली आहे. इतर पुलांची कामेही लवकरच पूर्ण होतील अशी माहिती अधिकाऱ्यांनी दिली.