Amrawati News: 22 दिवसाच्या बाळाला गरम विळ्याचे 65 चटके, धक्कादायक कारणं आलं समोर

अमरावती: जिल्ह्यातील मेळघाटातील चिखलदरा तालुक्यातील सिमोरी गावातील 22 दिवसाच्या बाळाला गरम विळा तापवून पोटावर 65 वेळा चटके दिल्याचा धक्कादायक प्रकार उघडकीस आल्याने खळबळ उडाली आहे.गावातील भूमका म्हणजे भोंदूबाबाने चटके दिल्याची चर्चा असल्याने पुन्हा एकदा अतिदुर्ग मेळघाटात अंधश्रद्धेचा कळस पाहायला मिळत आहे. या प्रकारामुळे 22 दिवसीय बाळाची प्रकृती बिघडल्याने त्याला नातेवाईकांनी सिमोरी गावावरून हतरू प्राथमिक आरोग्य केंद्र येथे नेण्यात आले होते. मात्र बाळाची गंभीर प्रकृती पाहता तेथून या बाळाला अमरावती जिल्हा स्त्री रुग्णालयात पाठवण्यात आले असून तिथे बाळावर स्त्री रुग्णालयात उपचार सुरू आहे.