Ketu Gochar 2026: थेट मार्चपर्यंतचे टेन्शन मिटले; केतुची चाल 4 राशीच्या लोकांना भाग्याची, नॉनस्टॉप पैसा

केतू हा शुक्राच्या नक्षत्रात असून शुक्र हा सुख, प्रेम आणि ऐश्वर्याचे प्रतीक आहे. केतूसारखी आध्यात्मिक शक्ती शुक्राच्या क्षेत्रात येते, तेव्हा केवळ त्यागच नाही तर काही वेळा इच्छापूर्तीचे फळही मिळते. पहिल्या चरणातील या प्रवेशामुळे याचा प्रभाव खूप वेगवान आणि अचानक जाणवेल, जणू नशिबाचे दरवाजे आपोआप उघडले आहेत असे वाटेल.

सिंह - सिंह राशीच्या लोकांसाठी हा काळ करिअर आणि सामाजिक प्रतिमेसाठी खूप महत्त्वाचा ठरेल. बऱ्याच काळापासून रखडलेली पदोन्नती, नवीन जबाबदारी किंवा मोठ्या स्तरावर ओळख मिळण्याचे योग आहेत. मार्चपर्यंत अशी एखादी संधी मिळू शकते जी तुमच्या भविष्याची नवी दिशा ठरवेल.

तूळ ही शुक्राची रास असल्याने या नक्षत्रांतराचा सर्वात मोठा फायदा तूळ राशीला होऊ शकतो. पैसा, प्रेम आणि भागीदारी या तिन्ही बाबतीत सकारात्मक बदलांचे संकेत आहेत. नात्यांमधील गुंता सुटेल आणि लग्नासारख्या विषयावर ठोस निर्णय घेतले जातील.

वृषभ राशीच्या लोकांसाठी हा काळ आत्मविश्वास आणि आर्थिक बाजू मजबूत करणारा असेल. अचानक धनलाभ होणे, जुन्या गुंतवणुकीतून नफा मिळणे किंवा अडकलेले पैसे परत मिळण्याची दाट शक्यता आहे. करिअरमध्ये बदल करण्याचे तुमचे विचार आता योग्य दिशेने जाताना दिसतील.

धनु राशीसाठी केतू हा कष्टाचे फळ मिळण्याचा संदेश घेऊन आला आहे. परदेशाशी संबंधित कामे, शिक्षण, माध्यम किंवा सल्लागार क्षेत्रातील लोकांना विशेष यश मिळेल. मार्चपर्यंत एखादी मोठी संधी किंवा विशेष सन्मान मिळण्याचे योग आहेत.

पूर्वाफाल्गुनी नक्षत्र हे प्रेम आणि आकर्षणाशी संबंधित असल्यानं केतूचा हा प्रवास नात्यांमधील सत्य समोर आणेल. जे संबंध कर्मिक आहेत ते अधिक घट्ट होतील आणि जे नाते केवळ ओझे बनले आहे त्यातून सुटका मिळू शकेल. हा काळ त्यांच्यासाठीच फलदायी ठरेल जे लोभ सोडून स्पष्टतेने आणि सत्याने निर्णय घेतील.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)