वडिलांची फक्त मोठ्या मुलाला मालमत्ता देण्याची इच्छा, मग दुसऱ्याचे अधिकार काय? त्याने स्वत:चा हक्क कसा मिळवायचा?

मुंबई : कुटुंबातील मालमत्तेच्या वाटपावरून अनेकदा वाद निर्माण होतात. विशेषतः वडील जिवंत असताना किंवा मृत्यूपूर्वी आपल्या संपत्तीपैकी जास्त हिस्सा एका मुलाच्या नावावर करतात, तेव्हा दुसऱ्या भावाला अन्याय झाल्याची भावना येते. अशा वेळी “माझा हक्क काय?”, “मी न्यायालयात दावा दाखल करू शकतो का?” असे प्रश्न उपस्थित होतात. मात्र, या प्रश्नांची उत्तरे मालमत्तेच्या स्वरूपावर आणि कायद्याच्या तरतुदींवर अवलंबून असतात.