संतोष बांगरांच्या वहिनीविरोधात ठाकरेंच्या नेत्याच्या बहिणीला तिकीट, हिंगोलीत काँटे की टक्कर

हिंगोली : हिंगोली नगरपरिषद निवडणुकीसाठी महाविकास आघाडीतील तिन्ही पक्ष एकत्र आले असून नगरपरिषदेची निवडणूक एकत्रित लढवणार आहेत. हिंगोली नगराध्यक्षपदासाठी ठाकरे शिवसेनेच्या अर्चना श्रीराम भिसे यांच्या उमेदवारीची घोषणा करण्यात आली आहे. आज महाविकास आघाडीतील तिन्ही घटक पक्षांच्या नेत्यांनी एकत्र येत संयुक्त पत्रकार परिषदेत नाव जाहीर केले आहे. उद्या महाविकास आघाडीचा उमेदवार शक्तीप्रदर्शन करत आपला उमेदवारी अर्ज दाखल करणार आहे.