Ashok Kharat CDR : खरातचे कॉल डिटेल कुणी लीक केले? पहिल्यांदाच SIT ने समोर येत सगळंच सांगितलं

मुंबई : नाशिक भोंदू खरात प्रकरणात रोज नवे मोठे खुलासे समोर येत आहे. खरात सध्या पोलिसांच्या ताब्यात असून सध्या त्याची कसून चौकशी सुरू आहे. दरम्यान अशोक खरातचे कॉल डिटेल रेकॉर्ड (सीडीआर) बाहेर आल्यानंतर राज्यातील राजकारण चांगलंच तापलं होतं. या संदर्भात विरोधकांनी गंभीर प्रश्न उपस्थित करत सरकारच्या कार्यपद्धतीवर निशाणा साधला होता. खरात प्रकरणी नेमकी त्याच्यावर कारवाई सुरू आहे की कोणाला टार्गेट करण्यासाठी हे प्रकरण बाहेर काढण्यात आले आहे असा संशय निर्माण होत होता. अखेर आज 21 दिवसानंतर एसआयटीच्या प्रमुख तेजस्वी सातपुते यांनी पत्रकार परिषद घेत यावर खुलासा केला आहे.